Kalymnos 2021
Dr Konschtruktör und Inscheniör
Mid vielnä Witz und wenig Kör
Au är mid Apparat im Ohr
Är schont kei Töff und kei Motor
Zum Glück giz ünschä Wassili
Dä sammlet nä de wider ii…
Und d Stewardess am Überhang
Wo’s allnä andrä Angscht und bang
Schi schwingt schi locker überuuf
Brucht nid ämal ä Zuesatzschnuf
Mä chans mid irä tiptop ha
Schi ischt nu ättä fräch zum Maa…
Schi hed äs Hüschi im Tessin
Da fahrendsch här und wider hin
Bis jez hedsch Kalymnos verschmäht
Äs ischt aber nie zu spät
Chlätterä und Töfflifahrä
Wie alli da die andra Narrä
Schi lauft zur Zit äs Bitzi schtif
Zum Operierä isch bald rif
S’gid aber niemed wo da meinet
Schi blibi wägä däm däheimet
Am Felsä ischi würkli heiss
Du meinscht, äs chlätteret ä Geiss
Schi ischt natürli au drbii
Isch zTrimmis nümä zfridä xi
Im September mimä Jeger
Und de iss deno dernä Fäger…
Lieber geid schi da gä raglä
Trotz da vielä Geissägaglä
Är kört da au zum Inventar
Är chund auf fliessig jedes Jahr
Hed ufdr Inslä vieli Fründ
Menschä Chatzä, Geissä, Hünd
Dr füft Grad macht im Riesäschpass
Gägä dr Säxer heder äswas
Schi chlätteret au gärä und lang
Top rope und voruus am Fels entlang
Und äs hed scho mengä gseid
Dasme das nid indä Grind iigeid
Was eim di ganz Genetik verderbt
DMamä hed zchlätterä vor Tochter gerbt!
Är hed mid chlätterä Fortschritt gmacht
Chlätteret är Tag und Nacht?
Im Lockdown ischt är nümä gflogä
Due hez naä halt ant Felsä gäzogä
Jez chläbt ar da und chläbt ar dort
Hoffentli bringt mänä wider fort!
Är meint au mid jedem Jahr
Jez wird es besser als es war!
Jez gani de 6A, 6B
(körä tued är gar nüd mee)
Ob är kört oder au nid
6A,6B das giz halt nid.
Und jez, am Schluss, das hani gschpart,
Das ischt äs Kapitel apart
Diä Meischteri, diä Meischteri
Das diä eim so begeischteri…!
Chlätterä chansch, das ischt ja chlar
Top Qualitet und Jahr für Jahr
Gid däm ä Tip und därä ä Rupf-
Schi hed eifach zümpftig Zupf!
Liebs Margi, Du bischt eifach Spitze_
Ja wirklich, wenn ich da so sitze
Und die Gedanken schweifen lasse
Du bist ein Chef der Sonderklasse!
Wir sind ja alle Margianer,
Das ist so was wie Indianer.
Du, Häuptling, mit Verantwortung
-Und damit ist es nicht genung!
Und wir sind auch nicht mehr ganz jung
Ja jung sind wir ja wirklich nicht…
Was mach’ ich nur mit dem Gedicht ??-
Kurzum liebes Margilein
Wir wollen einfach bei Dir sein
Wir wollen Dich auch unterstützen
Wir wollen selber etwas nützen!
Drum, wenn wer was Dummes sagt
Sei bitte nicht sogleich verzagt!
Es ist fast immer gut gemeint-
Es reimt, es reimt, es reimt, es reimt…
Ach was, jetzt ist aber Schluss!
Jamass, Prost und Fidibus!
© 2011-2024 climbIT GmbH,